Xiaomi Mijia Study Lamp 2: Xiaomi એ નવો ડેસ્ક લેમ્પ લોન્ચ કર્યો છે, જેને Mijia Vertical Study Lamp 2 ના નામે માર્કેટમાં ઉતારવામાં આવ્યો છે. કંપનીનો દાવો છે કે આ કોઈ સામાન્ય સ્ટડી લેમ્પ નથી પરંતુ એક સ્માર્ટ ડિવાઇસ છે જેને તમે અનેક રીતે વાપરી શકો છો. આ લેમ્પમાં ૧૨૭૦૦ લ્યુમેનની બ્રાઈટનેસ આપવામાં આવી છે અને કંપનીના જણાવ્યા અનુસાર તે ૧૭ વર્ષ સુધી કામ કરી શકે છે. તેમાં AI આધારિત ઓટોમેટિક ડિમિંગ સપોર્ટ પણ મળે છે.
Mijia Vertical Study Lamp 2 Price
Xiaomi Mijia Vertical Study Lamp 2 ની કિંમત ૨૪૯૯ યુઆન (આશરે ૩૪,૦૦૦ રૂપિયા) છે. હાલમાં તેને સબસિડી સાથે ૧,૯૯૬ યુઆન (આશરે ૨૬,૫૦૦ રૂપિયા) માં ખરીદી શકાય છે.
Mijia Vertical Study Lamp 2 Features
ડિઝાઇન અને આયુષ્ય: Mijia Vertical Study Lamp 2 એક સ્માર્ટ સ્ટડી લેમ્પ છે, જે ૧૫ સ્ક્વેર મીટરના રૂમ માટે ડિઝાઇન કરવામાં આવ્યો છે. તેનો ઉપયોગ બેડરૂમ અને નાના હોમ ઓફિસ માટે કરી શકાય છે. કંપનીના જણાવ્યા અનુસાર, તેમાં લાંબા સમય સુધી ચાલતા LED બીડ્સ લાગેલા છે જે ૧૭ વર્ષ સુધી ચાલી શકે છે.
બ્રાઈટનેસ: જૂના મોડલની સરખામણીમાં આ ૧૭ ટકા વધુ બ્રાઈટનેસ આપે છે. તે ૧૨,૭૦૦ લ્યુમેન ફ્લક્સ આપે છે અને સેન્ટ્રલ એરિયામાં ૧,૮૦૦ લક્સનો પ્રકાશ પેદા કરે છે.
ખાસિયતો: આ લેમ્પ માટે કહેવામાં આવ્યું છે કે તે હાથનો પડછાયો પડવા દેતો નથી, જેનાથી યુઝર લાંબા સમય સુધી તેની નીચે બેસીને લખી શકે છે અથવા સ્કેચ બનાવી શકે છે.
ટેકનોલોજી: Study Lamp 2 માં એન્ટી-ગ્લેયર ફીચર છે અને તે ૧૩ થી પણ ઓછી UGR રેટિંગ સાથે આવે છે. સ્ટડી લેમ્પમાં AI આધારિત ઓટોમેટિક ડિમિંગ પણ છે.
સ્માર્ટ ફીચર્સ: તે શોધી શકે છે કે કોઈ તેની નીચે બેઠું છે કે નહીં. આ Mi Home એપની મદદથી કનેક્ટ થઈ શકે છે અને તેમાં ટચ કંટ્રોલ પણ આપવામાં આવ્યા છે.
