Driving License Renewal Process: રસ્તા પર સુરક્ષિત અને કાયદેસર રીતે વાહન ચલાવવા માટે વેલિડ ડ્રાઇવિંગ લાયસન્સ ખૂબ જ જરૂરી છે. સામાન્ય રીતે પ્રાઇવેટ (નોન-ટ્રાન્સપોર્ટ) ડ્રાઇવિંગ લાયસન્સ ઇશ્યૂ થયાની તારીખથી 20 વર્ષ સુધી અથવા 40–50 વર્ષની ઉંમર સુધી વેલિડ હોય છે. બીજી તરફ, કોમર્શિયલ ડ્રાઇવિંગ લાયસન્સને દર 3 થી 5 વર્ષમાં રિન્યુ કરાવવું પડે છે. લાયસન્સની વેલિડિટી પૂરી થયા પછી 30 દિવસનો સમય આપવામાં આવે છે, જેમાં કોઈ પણ દંડ ભર્યા વિના તેને રિન્યુ કરાવી શકાય છે. અવારનવાર જોવામાં આવ્યું છે કે એક્સપાયર્ડ લાયસન્સ સાથે ગાડી ચલાવવા પર માત્ર ભારે મેમો જ નથી ફાટતો, પરંતુ અકસ્માતની સ્થિતિમાં ઇન્સ્યોરન્સ ક્લેમ મળવો પણ અશક્ય બની જાય છે. આ કડીમાં આજે અમે તમને જણાવવા જઈ રહ્યા છીએ કે ઓનલાઇન અને ઓફલાઇન ડ્રાઇવિંગ લાયસન્સને કેવી રીતે રિન્યુ કરાવી શકાય છે. ચાલો જાણીએ આખી પ્રક્રિયા…
ડ્રાઇવિંગ લાયસન્સ રિન્યુ કરાવવા માટે જરૂરી ડોક્યુમેન્ટ્સ
હાલનું ડ્રાઇવિંગ લાયસન્સ
એપ્લિકેશન ફોર્મ 9 (ઓનલાઇન ભરેલું અથવા ડાઉનલોડ કરેલું)
સેલ્ફ ડિક્લેરેશન ફિઝિકલ ફિટનેસ
મેડિકલ સર્ટિફિકેટ (ફોર્મ 1A) — આ 40 વર્ષ કે તેથી વધુ ઉંમરના લોકો અથવા કોમર્શિયલ લાયસન્સ માટે જરૂરી છે
ઉંમર અને સરનામાનો પુરાવો (આધાર કાર્ડ, પાસપોર્ટ, વોટર આઈડી)
પાસપોર્ટ સાઇઝ ફોટા (2-3 કોપી)
ડ્રાઇવિંગ લાયસન્સ રિન્યુ કરાવવાની ઓનલાઇન પ્રોસેસ (Online DL Renewal Process)
૧. સત્તાવાર વેબસાઇટ https://sarathi.parivahan.gov.in/sarathiservice/ પર જાઓ.
૨. ડ્રોપડાઉનમાંથી તમારું રાજ્ય સિલેક્ટ કરો.
૩. ત્યારબાદ ‘Driving Licence’ પર ક્લિક કરો અને પછી ‘Services on Driving Licence (Renewal/Duplicate)’ ઓપ્શન પસંદ કરો.
૪. હવે તમારો ડ્રાઇવિંગ લાયસન્સ નંબર, જન્મ તારીખ અને કેપ્ચા દાખલ કરો, પછી ‘Proceed’ પર ક્લિક કરો.
૫. સર્વિસીસની લિસ્ટમાંથી ‘Renewal’ સિલેક્ટ કરો.
૬. એપ્લિકેશન ફોર્મ ભરો અને માંગવામાં આવેલા ડોક્યુમેન્ટ્સ, ફોટો અને સહી (PDF/JPEG ફોર્મેટમાં) અપલોડ કરો.
૭. ત્યારબાદ ઓનલાઇન ફીની ચુકવણી કરો.
૮. જો બાયોમેટ્રિક તપાસ અથવા ડોક્યુમેન્ટ વેરિફિકેશન જરૂરી છે, તો તમારા RTO માં એપોઈન્ટમેન્ટ સ્લોટ બુક કરો.
૯. પછી નક્કી કરેલી તારીખે ડોક્યુમેન્ટ્સ સાથે RTO ઓફિસ જાઓ.
૧૦. તમે એપ્લાય કર્યા પછી, તમારા એપ્લિકેશન નંબરથી વેબસાઇટ પર સ્ટેટસ ટ્રેક કરી શકો છો.
આ આખી પ્રોસેસ પછી તમારું રિન્યુ કરેલું ડ્રાઇવિંગ લાયસન્સ (સ્માર્ટ કાર્ડ) 15 થી 30 દિવસની અંદર તમારા રજિસ્ટર્ડ એડ્રેસ પર મોકલી દેવામાં આવશે.
ડ્રાઇવિંગ લાયસન્સ રિન્યુ કરાવવાની ઓફલાઇન પ્રોસેસ (Offline DL Renewal Process)
૧. તમારી RTO ઓફિસે જાઓ.
૨. ત્યાં જઈને ફોર્મ 9, 1, અને 1A ભરી દો.
૩. ત્યારબાદ ડોક્યુમેન્ટ્સ અને ફોટા સાથે ફોર્મ જમા કરાવો.
૪. કાઉન્ટર પર ફી જમા કરો અને પહોંચ લેવાનું બિલકુલ ભૂલશો નહીં.
૫. પછી રિન્યુઅલ પ્રોસેસ પૂરી થયા પછી, ડ્રાઇવિંગ લાયસન્સ તમારા રજિસ્ટર્ડ એડ્રેસ પર મોકલી દેવામાં આવશે.
