Duplicate copy of Aadhaar card: આધાર કાર્ડ ભારતીયોને ડિજિટલ ઓળખ આપે છે. આને તમે તમારા બેંકના ખાતા, તમામ સરકારી સેવાઓ અથવા અન્ય દસ્તાવેજોમાં ઓળખ માટે આપો છો. જો તમારું આધાર કાર્ડ ખોવાઈ ગયું હોય અથવા ખરાબ થઈ ગયું હોય તો એવામાં તમારે પરેશાન થવાની જરૂર નથી. તમે અનેક રીતે ડુપ્લિકેટ આધાર કાર્ડ કઢાવી શકો છો.
ઓનલાઇન માધ્યમથી કાઢો
આમાં સૌથી પહેલી રીત ઓનલાઇન છે. સૌથી પહેલા UIDAI ની સત્તાવાર વેબસાઇટ પર જાઓ. ત્યારબાદ તેમાં તમારે ‘Aadhar Services’ ના સેક્શનને શોધવાનું છે. આના પછીના તબક્કામાં તમારે ‘Retrieve lost UID/EID’ વાળા ઓપ્શનને શોધવાનો છે. તેને ક્લિક કર્યા પછી તમે તમારા આધાર કાર્ડની ડુપ્લિકેટ કોપીનો અનુરોધ (Request) કરવા વાળા સેક્શનમાં પહોંચી જશો. તમારી પાસે UID અને EID જે જાણકારી ઉપલબ્ધ હોય તેને પસંદ કરો. તેમાં માંગવામાં આવતી દરેક જરૂરી જાણકારી ભર્યા પછી ‘Send OTP’ વાળા ઓપ્શનને ક્લિક કરો. તમારા રજિસ્ટર્ડ મોબાઈલ નંબર પર આવેલા OTP ને ભરો. ત્યારબાદ Captcha code ભરીને સબમિટ કરી દો. તમને તમારા રજિસ્ટર્ડ મોબાઈલ નંબર અથવા ઇમેઇલ પર ડુપ્લિકેટ આધાર કાર્ડ મળી જશે.
1947 પર કોલ કરો
UIDAI ના હેલ્પલાઇન નંબર 1947 પર કોલ કરીને એક્ઝિક્યુટિવ સાથે વાત કરો. તેને તમારી ડેમોગ્રાફિક જાણકારી આપો. વિગતો મેચ થયા પછી એક્ઝિક્યુટિવ તમને તમારો EID શેર કરી દેશે. આ પછી 1947 પર કોલ કરીને IVRS સિસ્ટમનો ઉપયોગ કરીને ‘Request Status’ ઓપ્શનની પસંદગી કરો. તમારી EID, DOB (જન્મતારીખ) અને PINCODE આપો. વિગતો મેચ થયા પછી તમને તમારો આધાર નંબર જણાવવામાં આવશે. આ સેવા નિઃશુલ્ક છે.
આધાર સેન્ટર પર જઈને
આ સેવામાં તમારી પાસેથી 30 રૂપિયા અથવા તેનાથી વધુનો મામૂલી શુલ્ક લેવામાં આવી શકે છે. આધાર સેન્ટર પર જઈને તમારી જાણકારી આપો, જે બાદ ફિંગરપ્રિન્ટ અથવા આઈરિસ સ્કેન દ્વારા તમારી બાયોમેટ્રિક ઓળખ કરવામાં આવશે અને મેચ થયા પછી તમને તમારા ઈ-આધાર કાર્ડની પ્રિન્ટ આપી દેવામાં આવશે.
આ કેટલીક રીતોથી તમે તમારું આધાર કાર્ડ સરળતાથી કઢાવી શકો છો. કોશિશ કરો કે આધાર કાર્ડ કઢાવ્યા પછી તમે તેનો ફોટો ક્લિક કરીને રાખી લો. આવું કરીને તમે કોઈ પણ જગ્યાએ જ્યાં આધાર કાર્ડની જરૂર પડશે ત્યાં પ્રિન્ટઆઉટ કરાવીને આપી શકો છો. આની સાથે જ આધાર કાર્ડ ખોવાવાની તક ઘણી ઓછી થઈ જશે. ક્યાંય પણ તમારા ઓરિજિનલ દસ્તાવેજો લઈ જવાથી બચો.
