EPF Balance Check: ઘણા લોકોને ખબર હોતી નથી કે તેમના પીએફ (પ્રોવિડન્ટ ફંડ) ખાતામાં કેટલા પૈસા જમા થયા છે. જો તમને પણ નથી ખબર કે તમારા ખાતામાં કેટલું બેલેન્સ છે, તો તમે હવે જાતે જ ઘરે બેઠા તમારી PF પાસબુકમાં આ ચેક કરી શકો છો. ઘરે બેઠા તમારું PF બેલેન્સ ચેક કરવું હવે ખૂબ જ સરળ બની ગયું છે.
પાસબુક ચેક કરવાની સૌથી સરળ રીત
જો તમે જાણવા માંગો છો કે તમારા પીએફ ખાતામાં કેટલું બેલેન્સ છે, તો પાસબુક ચેક કરવી સૌથી સરળ છે.
તેનાથી તમે સીધું બેલેન્સ, જમા રકમ અને વ્યાજની સંપૂર્ણ માહિતી જોઈ શકો છો.
હવે આના માટે બેંક કે ઓફિસ જઈને લાંબી લાઈનોમાં ઊભા રહેવાની જરૂર નથી.
ઓનલાઇન PF પાસબુક એક્સેસ કરવાની પ્રક્રિયા
તમારા પીએફ એકાઉન્ટની ડિજિટલ પાસબુક તરત એક્સેસ કરવા માટે આ સ્ટેપ્સ અનુસરો:
વેબસાઇટ પર જાઓ: સૌથી પહેલા સત્તાવાર પાસબુક લિંક https://passbook.epfindia.gov.in/MemberPassBook/login પર જાઓ. આ વેબસાઇટ મોબાઇલ અને કમ્પ્યુટર બંને પર સરળતાથી ખુલી જાય છે.
લોગિન કરો: વેબસાઇટ ખોલ્યા પછી, તમારો UAN (યુનિવર્સલ એકાઉન્ટ નંબર) દાખલ કરો. ત્યાર બાદ પાસવર્ડ ભરો અને કેપ્ચા કોડ (Captcha Code) દાખલ કરો.
પાસબુક પસંદ કરો: લોગિન કર્યા પછી, ‘Select Member Id’ (સભ્ય ID પસંદ કરો) ઓપ્શનમાં તમારી પાસબુક પસંદ કરો.
આ રીતે તમે સીધા તમારા પીએફ એકાઉન્ટમાં પહોંચી જાવ છો.
પાસબુકમાં શું-શું દેખાશે?
અહીં તમે તમારા બધા ટ્રાન્ઝેક્શન અને બેલેન્સ જોઈ શકો છો.
કુલ બેલેન્સ: આ બતાવે છે કે કંપની દર મહિને સાચી રકમ જમા કરી રહી છે કે નહીં અને તમારા ખાતામાં કુલ કેટલી રકમ જમા છે.
વ્યાજ: પાસબુકમાં તમને વાર્ષિક વ્યાજની માહિતી પણ મળે છે.
વ્યવહારો: તમે જોઈ શકો છો કે કેટલીવાર તમે તમારા પીએફ ખાતામાંથી પૈસા ઉપાડ્યા છે અને તમારા ખાતામાં હવે કેટલું બેલેન્સ બચ્યું છે.
આ ડેટા ભવિષ્યની પ્લાનિંગ (આયોજન) માટે પણ કામ આવે છે. જો તમે ઇચ્છો, તો આ ડિજિટલ પાસબુકને PDF ફોર્મેટમાં ડાઉનલોડ પણ કરી શકો છો.
