ભારતીય સમય અનુસાર આ ભૂકંપનો સમય સવારે 3.27નો હતો.
સાન સાલ્વાડોર, 29 ઓગસ્ટ. મધ્ય અમેરિકન દેશ અલ સાલ્વાડોરમાં ભૂકંપના જોરદાર આંચકા અનુભવાયા છે. રિક્ટર સ્કેલ પર તેની તીવ્રતા 6.1 માપવામાં આવી હતી.
અલ સાલ્વાડોરના પર્યાવરણ અને પ્રાકૃતિક સંસાધન મંત્રાલયે ટ્વિટર પર આ માહિતી શેર કરી છે. મંત્રાલયે લખ્યું છે કે બુધવારે સ્થાનિક સમયાનુસાર બપોરે 03.57 કલાકે આવેલા ભૂકંપની તીવ્રતા રિક્ટર સ્કેલ પર 6.1 આંકવામાં આવી હતી. ભૂકંપનું કેન્દ્ર મિજાતા બીચથી 70 કિલોમીટર દક્ષિણમાં લા લિબર્ટાડના દરિયાકિનારે 13 કિલોમીટરની ઊંડાઈએ સ્થિત હતું.
ભારતીય સમય અનુસાર આ ભૂકંપનો સમય સવારે 3.27નો હતો. યુનાઈટેડ સ્ટેટ્સ જિયોલોજિકલ સર્વેએ આ વાતની પુષ્ટિ કરી છે. એવું કહેવામાં આવી રહ્યું છે કે અલ સાલ્વાડોરમાં ભૂકંપના કારણે ઘરો અને ઈમારતો ધ્રૂજવા લાગી. જેના કારણે લોકો ભયના માર્યા બહાર દોડી આવ્યા હતા. કેટલાક મકાનો અને ઈમારતોની દિવાલોમાં નાની તિરાડો પણ દેખાઈ હતી. અસરગ્રસ્ત વિસ્તાર તેમજ આસપાસના કેટલાક વિસ્તારોમાં ભૂકંપના આંચકા અનુભવાયા હતા. જો કે આ ભૂકંપના કારણે કોઈ જાનહાની થઈ નથી.
