Pink Dolphin Oman: દુનિયા અનોખા રંગોથી ભરેલી છે. આવું જ એક દૃશ્ય સમુદ્રની દુનિયામાંથી પણ સામે આવ્યું છે. સમુદ્રની રાણી ડૉલ્ફિનને લગતી એક અનોખી ઘટના સામે આવી છે. ઓમાનના દરિયાકિનારા નજીક એક દુર્લભ ગુલાબી ડૉલ્ફિન જોવા મળી છે. આવું કેમ છે. આ પ્રજાતિ સાથે જોડાયેલા રહસ્ય વિશે નિષ્ણાતોનો શું અભિપ્રાય છે. ડૉલ્ફિન ગુલાબી રંગની કેમ હોય છે.
ઓમાનની રાજધાની મસ્કટ નજીક દરિયાકિનારે અનોખા ગુલાબી રંગની ડૉલ્ફિન જોવા મળ્યા બાદ આ વીડિયો સોશિયલ મીડિયા પર ઝડપથી વાયરલ થયો છે.
દરિયાકિનારે હાજર લોકોએ તેને પાણીમાં તરતી જોઈ હતી. ત્યારથી દરિયાઈ જીવોના પ્રેમીઓ અને વૈજ્ઞાનિકો વચ્ચે આ ચર્ચા શરૂ થઈ છે કે આખરે આ કઈ પ્રજાતિ છે.
આ ગુલાબી દેખાતી ડૉલ્ફિનની ચોક્કસ પ્રજાતિની હજુ સુધી સત્તાવાર રીતે પુષ્ટિ થઈ નથી. માત્ર તેના રંગના આધારે કોઈ પ્રજાતિ વિશે નિષ્કર્ષ કાઢવો ઉતાવળ ગણાશે.
ઇન્ટરનેશનલ વ્હેલ કમિશન અનુસાર, આ વિસ્તારમાં જોવા મળતી ઇન્ડિયન ઓશન હમ્પબૅક ડૉલ્ફિન સામાન્ય રીતે આખા જીવન દરમિયાન સીસા જેવા સ્લેટી લેડ ગ્રે રંગની રહે છે.
રંગ ગુલાબી હોવા પાછળનું કારણ જણાવતાં વૈજ્ઞાનિકોનું માનવું છે કે આ પ્રકારનો અનોખો રંગ પિગમેન્ટેશન સાથે જોડાયેલી કોઈ સ્થિતિ, ત્વચાની બનાવટ અથવા બ્લડ વેસલ દેખાવાને કારણે હોઈ શકે છે.
જોકે, વૈજ્ઞાનિક તપાસ અને વિશ્વસનીય અભ્યાસ વિના તેનો રંગ આવો કેમ છે તે સ્પષ્ટ કરવું મુશ્કેલ છે. આ દુર્લભ ઘટનાએ ઓમાનના દરિયાકાંઠાના વિસ્તારોની સમૃદ્ધ અને વૈવિધ્યસભર દરિયાઈ બાયોડાયવર્સિટીને ઉજાગર કરી છે.
