Facebook Finds Way to Stop Spam: ફેસબુક દ્વારા તેની સ્કેમ સામે લડવાની નવી પદ્ધતિ વિશે જાહેરાત કરવામાં આવી છે. આ દ્વારા તેઓ સ્પેમ સામે લડી શકશે અને તેને વધુ લોકો સુધી પહોંચતા અટકાવી શકશે. ખોટી પોસ્ટ કરનારા માટે નવા નિયમ પણ બનાવવામાં આવ્યા છે. જો કોઈ પણ એકાઉન્ટ પર સ્પેમ મળશે, તો પછી એ એકાઉન્ટ એક પણ કમાણી નહીં કરી શકે.
શરૂઆતનું ફેસબુક બનાવવાની કોશિશ
માર્ક ઝકરબર્ગ દ્વારા જ્યારે ફેસબુકની શરૂઆત કરવામાં આવી હતી, ત્યારે તે ફક્ત લોકોને કનેક્ટ કરવા અને એકમેક સાથે સંપર્કમાં રહેવા માટે બનાવવામાં આવ્યું હતું. જોકે, હવે ફેસબુકનો ઉપયોગ અલગ જ રીતે કરવામાં આવી રહ્યો છે. તે એક કમાણીનું પ્લેટફોર્મ બની ગયું છે. આથી, માર્ક ઝકરબર્ગનું જે વિઝન હતું તે તરફ હવે ફરી પ્રયાણ કરવામાં આવી રહ્યું છે. સોશિયલ મીડિયા પર હવે સ્કેમનું પ્રમાણ પણ વધી ગયું છે. એ માટે હવે આર્ટિફિશિયલ ઇન્ટેલિજન્સનો ઉપયોગ કરવામાં આવી રહ્યો છે, જેથી ફેસબુક તેને દૂર કરવાનો પ્રયાસ કરી રહી છે, જેથી લોકો એકમેકના સંપર્કમાં રહેવા માટે પોતાને સુરક્ષિત સમજી શકે.