South Africa vs India women: ભારત સામે સાઉથ આફ્રિકાની ઐતિહાસિક જીત, 5 વિકેટ ગુમાવ્યા બાદ સૌથી વધુ રન બનાવી રેકોર્ડ નોંધાયો

South Africa vs India women: સાઉથ આફ્રિકા સામે મહિલા ક્રિકેટ વર્લ્ડ કપ 2025ની 10મી મેચમાં ટીમ ઈન્ડિયાને 3 વિકેટે હાર સ્વીકારવી પડી હતી. આ વર્લ્ડ કપમાં ભારતની પહેલી હાર છે. આ હાર સાથે ભારતનો શરમજનક રેકોર્ડ નોંધાયો છે. આ રેકોર્ડ રનચેઝ દરમિયાન 5 વિકેટ મેળવ્યા પછી સૌથી વધુ રન આપ્યા હતા. ભારતે આ મેચમાં દક્ષિણ આફ્રિકા માટે 253 રનનો ટારગેટ મુક્યો હતો. આ સ્કોરનો પીછો કરતા આફ્રિકન ટીમે માત્ર 81 રનમાં 5 વિકેટ ગુમાવી દીધી. તેમ છતાં પણ સાઉથ આફ્રિકાએ ભારતને હરાવીને ઇતિહાસ રચ્યો.

દક્ષિણ આફ્રિકાએ આ મેચમાં 5 વિકેટ ગુમાવ્યા બાદ 171 રન બનાવ્યા હતા. જે મહિલા ક્રિકેટના ઇતિહાસમાં અડધી ટીમ પવેલિયમમાં પરત આવ્યા બાદ કોઈપણ ટીમ દ્વારા બનાવવામાં આવેલા સૌથી વધુ રન છે. આ પહેલા આ રેકોર્ડ ઇંગ્લેન્ડના નામે હતો, જેમણે ભારત સામે જ 2019 માં 159 રન બનાવ્યા હતા.