JSW Motors And Dassault Systemes Partnership: ભારતીય બજારમાં ટાટા મોટર્સ અને મહિન્દ્રા એન્ડ મહિન્દ્રા પછી વધુ એક શુદ્ધ સ્વદેશી કાર કંપની જેએસડબલ્યુ મોટર્સ (JSW Motors) પોતાની સ્થાપનાના પ્રયાસોમાં લાગી છે. પહેલી કાર લોન્ચ કરતા પહેલા કંપની વ્યૂહાત્મક ભાગીદારી પર જોર આપી રહી છે. આ જ દિશામાં જેએસડબલ્યુ મોટર્સે ભારતમાં વર્લ્ડ ક્લાસ મોબિલિટી ઇકોસિસ્ટમ બનાવવા અને ઇલેક્ટ્રિક કારના ઉત્પાદનને વેગ આપવા માટે વિશ્વની દિગ્ગજ સોફ્ટવેર કંપની ડસોલ્ટ સિસ્ટમ્સ (Dassault Systemes) સાથે વ્યૂહાત્મક ભાગીદારીની જાહેરાત કરી છે. આ ભાગીદારીનો સૌથી મોટો ફાયદો એ થશે કે ડસોલ્ટનું વર્લ્ડ ક્લાસ 3DEXPERIENCE પ્લેટફોર્મ જેએસડબલ્યુની આગામી કારો માટે ‘ડિજિટલ બેકબોન’ (મુખ્ય આધાર) તરીકે કામ કરશે.
આ કાર દિવાળી સુધીમાં થઈ શકે છે લોન્ચ
સૌ પ્રથમ જણાવી દઈએ કે જેએસડબલ્યુ મોટર્સ એક ફુલ-ફ્લેજ્ડ કાર કંપની બનવાની તૈયારી કરી રહી છે અને આ કંપની ઇલેક્ટ્રિક તથા ન્યૂ એનર્જી પેસેન્જર વ્હીકલ સેગમેન્ટમાં પોતાની પ્રોડક્ટ્સ રજૂ કરશે. સમાચાર છે કે આ વર્ષે દિવાળીમાં જેએસડબલ્યુ મોટર્સ ‘ચેરી’ બ્રાન્ડની ‘જીટૂર T2’ એસયુવી પર આધારિત એક મજબૂત અને બોક્સી એસયુવી ભારતીય બજારમાં ઉતારી શકે છે, જે મુખ્યત્વે મહિન્દ્રા થાર માટે પડકાર બની શકે છે. આ એસયુવીની કિંમત ૧૫ થી ૨૫ લાખ રૂપિયા વચ્ચે હોઈ શકે છે. જોકે, સચોટ માહિતી કંપનીની સત્તાવાર જાહેરાત બાદ જ મળશે.
લેટેસ્ટ ટેકનોલોજી અને ધાંસુ ડિઝાઇન પર ફોકસ
જેએસડબલ્યુ મોટર્સનું ફોકસ લેટેસ્ટ ટેકનોલોજી અને આકર્ષક ડિઝાઇનની સાથે હાઈ પરફોર્મન્સ વ્હીકલ્સ ભારતીય બજારમાં લાવવા પર છે. આ માટે કંપની ફ્રાન્સની ડસોલ્ટ સિસ્ટમ્સના CATIA અને ENOVIA જેવા હાઈ-એન્ડ એપ્લિકેશનનો ઉપયોગ કરશે. આ ટેકનોલોજી ડિઝાઇનથી લઈને એન્જિનિયરિંગ સુધીની સમગ્ર સિસ્ટમને એક જ ડિજિટલ પ્લેટફોર્મ પર લાવી દેશે.
કાર્બન ફૂટપ્રિન્ટ અને પ્રોડક્શન કોસ્ટ ઘટાડવાનો પ્રયાસ
જેએસડબલ્યુ મોટર્સ મોડ્યુલર અને સ્કેલેબલ આર્કિટેક્ચરની મદદથી એસયુવી અને સેડાન સહિતના અલગ-અલગ સેગમેન્ટની ગાડીઓને એક જ ન્યૂ એનર્જી વ્હીકલ (NEV) પ્લેટફોર્મ પર ઝડપથી ડેવલપ કરી શકશે. ડસોલ્ટના DELMIA સોફ્ટવેર સોલ્યુશનની મદદથી ઉત્પાદન ક્ષમતા વધારી શકાશે અને સંસાધનોના સચોટ ઉપયોગથી કાર્બન ફૂટપ્રિન્ટ ઘટાડી શકાશે. કારના નિર્માણ દરમિયાન ‘વર્ચ્યુઅલ ટ્વિનિંગ’ પર જોર આપવામાં આવશે, જેનાથી ભૂલોની શક્યતા ઘટશે અને પ્રોડક્શન કોસ્ટ (ઉત્પાદન ખર્ચ) માં પણ ઘટાડો થશે.
અધિકારીઓએ કહી ખાસ વાતો
રંજન નાયક (CEO, JSW Motors): “અમે ભારતમાં વર્લ્ડ ક્લાસ મોબિલિટી ઇકોસિસ્ટમ બનાવી રહ્યા છીએ. ડસોલ્ટ સિસ્ટમ્સના ડિજિટલ પ્લેટફોર્મને અપનાવવાથી અમને ગાડીઓને ઝડપથી બજારમાં લાવવા અને તેમની ગુણવત્તા વધારવામાં મદદ મળશે.”
દીપક એનજી (MD, Dassault Systemes India): “અમારું પ્લેટફોર્મ જેએસડબલ્યુ મોટર્સને સોફ્ટવેર-ડિફાઇન્ડ વ્હીકલ્સની વધતી માંગ અને તેના ઉત્પાદનમાં આવતી મુશ્કેલીઓનો ઉકેલ લાવવામાં મદદરૂપ થશે.”
જણાવી દઈએ કે જેએસડબલ્યુ મોટર્સ પોતાની કારના નિર્માણમાં ‘લોકલાઇઝેશન’ (સ્થાનિક ઉત્પાદન) પર વધુ ભાર આપી રહી છે.
