Gold Price Today: આજે સોમવાર એટલે કે 24 માર્ચે સતત બીજા દિવસે સોનું સસ્તું થયું છે. સોનાની કિંમત તેની ટોચ પરથી નીચે આવી ગઈ છે. ગયા સપ્તાહે શુક્રવારની સરખામણીમાં સોનાની કિંમતમાં લગભગ રૂ. 900નો ઘટાડો જોવા મળ્યો છે. આવી સ્થિતિમાં સોનાના ભાવમાં હજુ વધુ ઘટાડો થશે કે કેમ તે જોવું રહ્યું. દેશના મોટા શહેરોમાં 24 કેરેટ સોનાનો ભાવ 89,900 રૂપિયા અને 22 કેરેટ સોનાનો ભાવ 82,400 રૂપિયાની ઉપર ટ્રેડ થઈ રહ્યો છે.
સોમવાર, 24 માર્ચ, 2025 ના રોજ, દિલ્હીમાં 22 કેરેટ સોનાની કિંમત 82,440 રૂપિયા અને 24 કેરેટ સોનાની કિંમત 89,970 રૂપિયા પ્રતિ 10 ગ્રામ હતી. મુંબઈમાં 22 કેરેટ સોનું 82,290 રૂપિયા અને 24 કેરેટ સોનું 89,770 રૂપિયા પ્રતિ 10 ગ્રામ પર ટ્રેડ થઈ રહ્યું છે. આજે સમગ્ર દેશમાં સોનાના ભાવમાં ઘટાડો જોવા મળી રહ્યો છે. ગયા શુક્રવારની સરખામણીએ આજે સોમવારે સોનું સસ્તું થયું છે.
જ્યારે અમદાવાદ, સુરત, રાજકોટ અને વડોદરા જેવા શહેરોમાં આજે 24 કેરેટ સોનાની કિંમત 89,870 રુપિયા છે જ્યારે 22 કેરેટ સોનાની કિંમત 82,340 રુપિયાની આસપાસ છે.
24 માર્ચ, 2025ના રોજ ચાંદીનો ભાવ 1,00,900 રૂપિયા પ્રતિ કિલો હતો. ગયા શુક્રવારે ચાંદીનો ભાવ 1,05,100 રૂપિયા હતો. ગયા શુક્રવારની સરખામણીમાં ચાંદીના ભાવમાં આશરે રૂ. 4000નો સુધારો જોવા મળ્યો છે.
સોનાના ભાવમાં ઘટાડો થવાના મુખ્ય કારણો વૈશ્વિક બજારોમાં નબળાઈ, ડૉલરની મજબૂતી અને પ્રોફિટ બુકિંગ છે. જ્યારે ડોલર મજબૂત થાય છે ત્યારે સોનાના ભાવ પર દબાણ વધે છે, કારણ કે મોંઘા ડોલરને કારણે રોકાણકારો સોનામાં રસ ગુમાવે છે. આ સિવાય યુએસ ફેડરલ રિઝર્વ ચીફ જેરોમ પોવેલના નિવેદનની પણ અસર પડી હતી, જેમાં તેમણે અમેરિકામાં મોંઘવારી વધવાની વાત કરી હતી.
ભારતમાં સોનાના ભાવ ઘણા કારણોસર બદલાતા રહે છે, જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું એ માત્ર રોકાણનું સાધન નથી પરંતુ તે આપણી પરંપરાઓ અને તહેવારોનો પણ એક મહત્વપૂર્ણ ભાગ છે. ખાસ કરીને લગ્ન અને તહેવારોમાં તેની માંગ વધી જાય છે.
