શું હવે મધ્યમવર્ગનું પણ ફ્લાઈટમાં મુસાફરીનું સ્વ્પ્ન પૂરું થશે ? સસ્તી થશે ફ્લાઇટ ટીકીટો ? કેમ સસ્તી થઇ શકે ?

નેહાને જયારે તેના પતિએ તેના હાથમાં ગોવાની ફ્લાઈટની ટિકિટ સરપ્રાઈઝલી આપી અને જણાવ્યું આ મેરેજ એનેવર્સરી ફ્લાઈટમાં ઉજવવાની છે તે વાત જાણી ત્યારે તેની ખુશીની સીમા ન રહી.તેના ફ્લેટના ધાબામાંથી ઊડતી ફ્લાઇટ જોઈ તેને પણ મનમાં થતું કે, તે ક્યારે આ મોંઘી ફ્લાઈટની સવારી કરી શકશે ? કાશ તેનું પણ આ સપનું પૂરું થાય.અને આજે તેના પતિએ તેને આ ગિફ્ટ આપી ખુશ કરી દીધી હતી.ત્યારે હકીકતમાં ફ્લાઇટ ટિકિટો મોહ હોવાને કારણે પ્રથમ તો તે લકઝરી ફેસીલિટીઝની શ્રેણીમાં આવે છે.અને વળી તેના ઇંધણ ઈથનોલ, મોહ બનાવટ,મેઇનટેનન્સ, કર્મચારીઓ ના પગાર, પાયલોટના તગડા પેકેજ, તેની ઉપરના ટેક્સીસ, જેવી બાબતોના લીધે તે આમપણ ઓલઓવર મોંઘુ જ પડે.જેને લીધે ફ્લાઈટની જર્ની પણ મોંઘી જ હોય જેથી સમાજના દરેક વર્ગને તે ન જ પોષાય

.જો કે, હાલ માં જ પ્રાપ્ત માહિતી મુજબ, નાગરિક ઉડ્ડયન ક્ષેત્રના નિયમનકાર DGCA એ એરલાઇન્સ માટે નવી માર્ગદર્શિકા જારી કરી છે. આ નવા નિયમોના કારણે ફ્લાઈટ ટિકિટ ટૂંક સમયમાં સસ્તી થઈ શકે છે. ડીજીસીએને માહિતી મળી હતી કે ઘણી વખત મુસાફરો સેવાઓ માટે ચૂકવણી કરે છે જેનો તેઓ ઉપયોગ પણ કરતા નથી. ઘણા મુસાફરોને આ સેવાઓની જરૂર પણ હોતી નથી. તેથી DGCAએ નિયમોમાં ફેરફાર કર્યો છે. હવે મુસાફરોએ જે સેવાઓનો ઉપયોગ કરવો હોય તેના માટે જ ચૂકવણી કરવી પડશે.

મુસાફરોને સેવાઓ પસંદ કરવાની સ્વતંત્રતા મળશે
23 એપ્રિલના રોજ જારી કરાયેલા એક પરિપત્રમાં, DGCAએ તમામ એરલાઈન્સને મુસાફરોને સેવાઓ (ઓપ્ટ-આઉટ અથવા ઑપ્ટ-ઈન) પસંદ કરવાની સ્વતંત્રતા પ્રદાન કરવા નિર્દેશ આપ્યો છે. આનાથી ફ્લાઇટ ટિકિટનું મૂળ ભાડું ઘટશે અને ભાડું સસ્તું થશે. વધુમાં, મુસાફરો એ નક્કી કરી શકશે કે તેઓને કઈ સુવિધાઓ જોઈએ છે અને કઈ નથી.

વાસ્તવમાં, એરલાઇન્સ પેસેન્જર ભાડામાં ઘણી સેવાઓ માટે ચાર્જ ઉમેરે છે. આવી સ્થિતિમાં, મૂળ ભાડું અને અંતિમ ફી વચ્ચે મોટો તફાવત છે. ડીજીસીએને આ અંગે ઘણી પ્રતિક્રિયાઓ મળી હતી. આને ધ્યાનમાં રાખીને, ગ્રાહકને સેવાઓ પસંદ કરવાની સ્વતંત્રતા આપવામાં આવે છે જેથી કરીને તે તેની જરૂરિયાત માટે જ ચૂકવણી કરી શકે.

મુસાફરો પર લાદવામાં આવેલી ફી સ્પષ્ટપણે જણાવવી પડશે
ડીજીસીએના પરિપત્ર મુજબ, હવે એરલાઈન્સે સીટની પસંદગી, નાસ્તા/ડ્રિંક ચાર્જીસ (પાણી ફ્રી હશે), ચેક-ઈન બેગેજ ચાર્જીસ, સ્પોર્ટ્સ ઈક્વિપમેન્ટ ચાર્જ, સંગીતના સાધનોના ચાર્જીસ, કીમતી વસ્તુઓ વગેરે માટે ફી અનબંડલ કરવી પડશે. એરલાઇન્સ ફ્રી બેગેજ એલાઉન્સ આપી શકશે. સામાન વહન કરતા મુસાફરો પર વસૂલવામાં આવતા શુલ્કનો સ્પષ્ટ ઉલ્લેખ કરવાનો રહેશે. આ સિવાય આ ફી ટિકિટ પર પણ પ્રિન્ટ કરવાની રહેશે. અનબંડલ્ડ સેવાઓ વિશે પણ સ્પષ્ટ માહિતી આપવી પડશે.

તમામ સેવાઓ માટે શુલ્ક નક્કી કરવામાં આવશે
પરિપત્રમાં કહેવામાં આવ્યું છે કે યાત્રીએ તમામ માહિતી સ્પષ્ટ રીતે આપવી પડશે જેથી કરીને તે પોતાની મરજી મુજબ સુવિધાઓ પસંદ કરી શકે. કોઈ પણ પ્રકારની મૂંઝવણ ન હોવી જોઈએ જેથી પેસેન્જરને ભૂલથી પણ વધારાના ચાર્જ ન ચૂકવવા પડે. તેમને દરેક સુવિધા માટે કેટલી રકમ ચૂકવવી પડશે તે જાણવું જોઈએ. આ તમામ સેવાઓ માટે ચાર્જ નક્કી કરવામાં આવશે.
by : Reena brahmbhatt