New Labour Codes Overtime Pay: આજકાલ નોકરીમાં નક્કી કરેલા સમય કરતા વધુ કામ કરવું સામાન્ય વાત બની ગઈ છે. કામના દબાણને કારણે લોકોએ સમય કરતા વધુ ઓફિસ રોકાવું પડે છે. હવે, સારી વાત એ છે કે નવા લેબર કોડમાં ઓવરટાઇમ અંગે સ્પષ્ટ નિયમો બનાવવામાં આવ્યા છે, જેથી કર્મચારીઓને તેમની મહેનતની સાચી કિંમત મળી શકે. નવા નિયમો અનુસાર, જો કોઈ કર્મચારી પોતાની નક્કી કરેલી ડ્યુટી (૮ કે ૯ કલાક) થી વધુ કામ કરે છે, તો કંપનીએ તેને વધારાના સમયની ચુકવણી કરવી પડશે. સૌથી ખાસ વાત એ છે કે ઓવરટાઇમની રકમ સામાન્ય પગાર કરતા ઓછામાં ઓછી બમણી હોવી જોઈએ. એટલે કે જેટલું તમે એક કલાકમાં કમાવો છો, ઓવરટાઇમમાં તેના ડબલ મળશે.
ઓવરટાઇમની રકમ કેવી રીતે નક્કી થાય છે?
ઓવરટાઇમના પૈસા તમારી કુલ સેલરી (CTC) પર નહીં, પરંતુ બેઝિક સેલરી પર નક્કી થાય છે. જેમ કે- ધારો કે તમારી CTC ૩૦,૦૦૦ રૂપિયા છે. સામાન્ય રીતે આમાં બેઝિક સેલરી લગભગ અડધી એટલે કે ૧૫,૦૦૦ રૂપિયા માનવામાં આવે છે. હવે આ બેઝિક સેલરીને કામના દિવસોમાં વહેંચવામાં આવે છે, જેનાથી એક દિવસની કમાણી નીકળે છે. પછી તેના આધારે એક કલાકની કમાણી નક્કી થાય છે.
સરળ ભાષામાં સમજીએ તો-
તમારી એક દિવસની કમાણી લગભગ ૫૭૭ રૂપિયા થાય છે. જો તેને ૮ કલાકમાં વહેંચીએ, તો એક કલાકની કમાણી આશરે ૭૩ રૂપિયા થાય છે.
હવે, કારણ કે ઓવરટાઇમની રકમ બમણી મળે છે, તેથી એક કલાકનો ઓવરટાઇમ કરવા પર તમને આશરે ૧૪૬ રૂપિયા મળશે.
મહિનામાં કેટલો ફાયદો થશે?
જો તમે દરરોજ ફક્ત ૧ કલાક વધારાનું કામ કરો છો, તો મહિના દરમિયાન આ રકમ સારી બની જાય છે. ૨૬ વર્કિંગ ડે માનીને ચાલીએ તો તમને આશરે ૩,૭૦૦ થી ૩,૮૦૦ રૂપિયા એક્સ્ટ્રા મળી શકે છે. એટલે કે હવે તમને તમારી મહેનતનું સારું ફળ મળવાનું છે.
બસ આ વાતોનું રાખો ધ્યાન
તમારી બેઝિક સેલરી જરૂર જાણો.
જેટલો ઓવરટાઇમ કરો, તેનો રેકોર્ડ રાખો.
આ ઉપરાંત કંપનીના નિયમો અને પોલિસી પહેલા સમજી લો.
