Smartphone SOS Safety Feature: જ્યારે ઈમરજન્સીની વાત આવે છે, ત્યારે દરેક વ્યક્તિ સૌથી પહેલા ૧૧૨ ડાયલ કરવાનું જ વિચારે છે, પરંતુ આપણા ફોનમાં એક છુપાયેલું મહત્વનું સુરક્ષા ફીચર પણ હોય છે. આ ફીચર વિશે ઘણા લોકોએ સાંભળ્યું હશે, પરંતુ તે કેવી રીતે કામ કરે છે અને તેનો ઉપયોગ કેવી રીતે કરવો તે બહુ ઓછા લોકો જાણે છે. આ ઈમરજન્સી ફીચરનું નામ SOS (Save Our Souls) છે. સ્માર્ટફોનમાં આ એક મહત્વપૂર્ણ સુરક્ષા ફીચર છે, જે કટોકટીની સ્થિતિમાં ફોન અનલોક કર્યા વિના તરત જ મદદ બોલાવવામાં મદદ કરે છે.
ઈમરજન્સી SOS બટન શું છે?
ઈમરજન્સી SOS બટન એક ઈલેક્ટ્રોનિક સુરક્ષા બટન છે, જેને દબાવવાથી તરત જ સ્થાનિક ઈમરજન્સી સેવાઓ, જેમ કે પોલીસ, એમ્બ્યુલન્સ અથવા ફાયર બ્રિગેડને એલર્ટ મોકલવામાં આવે છે. આ બટન તમારા સ્માર્ટફોનમાં ઉપલબ્ધ હોય છે. આ ઉપરાંત, આ સુવિધા રાઈડ હેલિંગ એપ્સ (જેમ કે ઉબેર-ઓલા) અને કારમાં પણ આપવામાં આવે છે. ઈમરજન્સી સ્થિતિમાં આ સેવા ખૂબ જ મદદરૂપ સાબિત થાય છે.
Emergency SOS કેવી રીતે કામ કરે છે?
જ્યારે તમે આ ફીચરને એક્ટિવ કરો છો, ત્યારે તમારો ફોન આપમેળે સ્થાનિક ઈમરજન્સી નંબર જેમ કે ભારતમાં ૧૧૨ પર કોલ કરે છે. તે તમારા પસંદ કરેલા ઈમરજન્સી કોન્ટેક્ટ્સને તમારી ચોક્કસ લાઈવ લોકેશન સાથેનો એલર્ટ મેસેજ મોકલે છે. સેમસંગ જેવા કેટલાક ફોન આસપાસનું ૫ સેકન્ડનું ઓડિયો રેકોર્ડિંગ અને ફ્રન્ટ કે રિયર કેમેરાથી ફોટો પણ મોકલી શકે છે. આ ફીચર તમારી એલર્જી કે બ્લડ ગ્રુપ જેવી મેડિકલ માહિતી લોક સ્ક્રીન પર પ્રદર્શિત કરી શકે છે, જેથી બચાવ ટીમ તમારી યોગ્ય મદદ કરી શકે.
Android ફોનમાં SOS સેટિંગ્સ કેવી રીતે સેટઅપ કરવા?
ફોનના Settings માં જાઓ અને Safety & Emergency (સુરક્ષા અને કટોકટી) પર ટેપ કરો.
Emergency SOS વિકલ્પને ચાલુ (On) કરો.
Emergency Contacts માં જઈને તે વિશ્વાસપાત્ર લોકોના નંબર ઉમેરો, જેમને તમે મુસીબતના સમયે સંદેશ મોકલવા માંગો છો.
કેટલાક ઉપકરણોમાં તમે “Send SOS messages” હેઠળ ફોટો અથવા ઓડિયો એટેચ કરવાનો વિકલ્પ પણ પસંદ કરી શકો છો.
iPhoneમાં SOS સેટિંગ્સ કેવી રીતે સેટઅપ કરવા?
Settings માં જાઓ અને Emergency SOS પર જાઓ.
“Call with Hold and Release” અથવા “Call with 5 Presses” જેવા વિકલ્પોને તમારી સુવિધા મુજબ ઓન કરો.
ઈમરજન્સી કોન્ટેક્ટ્સ ઉમેરવા માટે Health App માં જઈને તમારી Medical ID સેટ કરો.
Emergency SOS બટનનો ઉપયોગ કેવી રીતે કરવો?
Android: પાવર બટનને ઝડપથી ૫ વાર, જ્યારે કેટલાક ફોનમાં ૩ વાર દબાવો.
iPhone 8 કે પછીના મોડલ: પાવર બટન અને કોઈપણ એક વોલ્યુમ બટનને એકસાથે દબાવી રાખો અથવા પાવર બટનને ૫ વાર ઝડપથી દબાવો.
Apple Watch: સાઈડ બટનને ત્યાં સુધી દબાવી રાખો જ્યાં સુધી ‘Emergency Call’ સ્લાઈડર ન આવી જાય.
આ ફીચરનો ઉપયોગ માત્ર વાસ્તવિક કટોકટીના સમયે જ કરો, કારણ કે ખોટો ઉપયોગ કરવા બદલ કાયદેસરની કાર્યવાહી કે દંડ થઈ શકે છે.
