X handle marketplace feature: ઇલોન મસ્કના X પર હવે ખરીદી શકાશે મનપસંદ યુઝરનેમ, નવું ફીચર લાવશે હેન્ડલ માર્કેટપ્લેસ

ફીચર્સની કેટેગરી

X દ્વારા જે ફીચર્સ રજૂ કરવામાં આવી રહ્યું છે એને બે કેટેગરીમાં વહેંચવામાં આવી રહ્યું છે. આ બે કેટેગરી છે પ્રાયોરિટી અને રેર (ભાગ્યે જ જોવા મળે એવું). આ ફીચરમાં પ્રાયોરિટી કેટેગરીના યુઝરનેમ ફ્રીમાં આપવામાં આવશે, જોકે એ પણ સબ્સ્ક્રિપ્શન ધરાવતાં યુઝર્સ જ આ મેળવી શકશે. ફ્રીમાં મેળવી શકે એ યુઝરનેમમાં નામ, એક કરતાં વધુ શબ્દોવાળું યુઝરનેમ, આલ્ફાન્યુમેરિક યુઝરનેમનો સમાવેશ થાય છે.

બીજી તરફ રેર યુઝરનેમને ખરીદવામાં પડશે. આ યુઝરનેમ 2500 અમેરિકન ડોલરથી લઈને સાત આંકડા સુધીની રકમ સુધી પહોંચી શકે છે. આ કિંમત યુઝરનેમની યુનિકનેસ અને ડિમાન્ડના આધારે નક્કી કરવામાં આવશે.

નવું યુઝરનેમ ખરીદતાં જૂનું યુઝરનેમ અટકાવી દેવામાં આવશે

યુઝર જ્યારે X હેન્ડલ માર્કેટપ્લેસમાંથી નવું યુઝરનેમ ખરીદશે ત્યારે તેનું જૂનું યુઝરનેમ અટકાવી દેવામાં આવશે. એટલે કે એને સાઇડ પર કરી દેવામાં આવશે. ભવિષ્યમાં કંપની આ રીડાયરેક્ટ કરવા માટે પણ પૈસા માંગી શકે છે. જોકે X યુઝર દ્વારા જ્યારે તેનું સબ્સ્ક્રિપ્શન બંધ કરવામાં આવશે અથવા તો એને ડાઉનગ્રેડ કરવામાં આવશે ત્યારે આ નવું યુઝરનેમ જતી રહેશે અને એનું જૂનું એટલે કે પહેલાં જે હતું એ યુઝરનેમ આવી જશે.

માર્કેટપ્લેસ દ્વારા ખરીદેલું નવું યુઝરનેમનું એક્સેસ તેમની પાસેથી જતી રહેશે. જો તેમણે થોડા દિવસ બાદ ફરી સબ્સ્ક્રિપ્શન ખરીદ્યું અને ત્યાં સુધીમાં એ યુઝરનેમ અન્ય વ્યક્તિએ ખરીદી લીધું હશે તો એને ફરી નહીં ખરીદી શકાય. આથી સબ્સ્ક્રિપ્શન હંમેશાં ચાલું રાખવું જરૂરી બની જશે જે કંપની દ્વારા કમાણી કરવાનો એક રસ્તો છે.